BROT ÚR BÓKINI, JÓGVAN JÚST RASMUSSEN SKRIVAR:

Bókin, sum tú heldur í hondini, er sett saman av talum, sum allar viðgera týdningin av umsorgan okkara fyri samkomum Harr­ans. Harrin hevur knýtt Seg at samkomu Síni; og tænasta okkara, hvør hon enn er, má altíð endurspegla hetta. Bókin er í fimm pørtum.

• Fyrsti partur ber heitið „Vælferð samkomunnar“. Í hes­um part­in­um verður hugt at, hvussu samkoman er sett sam­an, hvussu hon er skipað og at enda, hvussu hon er stýrd.
• Annar partur ber heitið „Skriv sent til ein á vígvøllinum“. Hetta eru talur, sum eru bygdar á Titusbrævið.
• Triði partur ber heitið „Skriv sent frá einum á vígvøllinum“. Hetta eru talur, sum eru bygdar á Seinna Timoteusbræv.
• Fjórði partur ber heitið „Vápn samkomunnar“. Hetta eru talur um herklæðini í Efesusbrævinum sætta kapitli.
• Í fimta og seinasta parti eru einstakar talur, sum allar snúgva seg um tænastuna.

Regin Guttesen, Samkomustovnari í Italia:

Tað var við stórum áhuga, at eg lurtaði eftir bandaðu talunum, sum Óli helt í Betesda á vári í 2010. Hesar talurnar – eins og allar hinar talurnar í hesi bók – eru um samkomuna og

ymist, sum hevur við samkomuna at gera.

Óli hevur serstakar gávur at borðreiða stórar og djúpar sannleikar á einfaldan og viðkom- andi hátt. Tað, sum eg tó serliga siti eftir við, er, at her er ein maður, sum ikki bara elskar

orð Guds, men sum eisini elskar fólk Guds!

Í tænastu síni hevur Óli í meir enn hálva øld prógvað tað, sum hann prædikar – livað tað, sum hann lærir.

Eg viðmæli øllum, sum hava áhuga í samkomuni, at ogna sær og lesa „Saman um samkomuna“.