Hin Føroyski Bíbliugrunnurin varð settur á stovn tann 28. november 1948, og fýra mánaðir seinni tann 19. mars 1949 kom øll Bíblian á fyrsta sinni út á føroyskum í týðing Victor Danielsens (1894 - 1961).

Tá vóru eini 20 ár liðin síðani Victor fór undir at týða og geva út partar av Bíbliuni. Nýggja Testamentið kom út í 1937.

Í 1974 kom endurskoðað útgáva við nøkrum fáum málsligum tillagingum.

Í november 2006 er Nýggja Testamentið í ljóðútgávu tøkt á fløgu í MP3 sniði, sum tað tekur góðar 20 tímar at lurta eftir.