Petur Háberg granskaði tær Heiløgu Skriftirnar dúliga og hevði ein serligan alsk til Ísrael og jødarnar, útvalda fólk Guds.

Henda bók um Ísrael umfatatar seks fyrilestrar, sum hann helt í bíbliuflokkinum í „Ebenezer“ í Havn í februar og mars í 1968, árið eftir seksdaga-kríggið, tá fíggindar Ísraels við veldigu herum sínum aftur lupu á hetta lítla landið, sum enn einaferð við hjálp Guds, kom styrkt burtur úr tí miklu orrustu, ið tá var.

Sum lesarin sær, so eru fyrilestrarnir ikki skrivaðir beinleiðis við bókaútgávu fyri eyga, men eru meira skipaðir sum frálæra og beinleiðis tala, har í byrjanini verðir tikið saman um fyrilesturin frammanundan, eins og gleðiboðskapurin ofta – sera hóskandi – er flættaður inn.