Leygardagin 7. des kl. 11-19 og sunnudagin 8. des. kl. 15-19 hevur forlagið Leirkerið jólasølutiltak í Ribarhúsi. Høvi verður at keypa góðar, bíligar føroyskar bøkur, sum – nú vit nærkast jólum – eru góð jólagávuhugskot. Eisini verða pakkar við fleiri bókum saman seldir við sera lágum prísi.

Í sambandi við tiltaki verður ein hugnalig løta leygardagin kl. 15.00, har Páll á Lakjuni fer at greiða frá nýggjastu bókini frá Leirkerinum, sum hann hevur týtt úr enskum. Bókin ber heitið „VIÐMERKINGAR til hvønn kapittul í Nýggja Testamenti“. Páll fer eisini at syngja onkran sangin.

Sum altíð í Ribarhúsi verður ein góður drekkamunnur eisini at fáa.

Øll eru hjartaliga vælkomin