Søgan um D. L. Moody komin á føroyskum

01/12/2020

Forlagið „Leirkerið“ hevur júst givið út lívssøguna um D.L. Moody, sum verður roknaður ein av størstu kristnu vekingarmonnunum í heimssøguni.
 
D.L.Moody var føddur í amerikanska státinum Massachusetts í 1837. Hann andaðist einans 62 ára gamal.
Men longu tá hevði hann talað til størri mannfjøldir enn nakar annar prædikumaður.
 
Hóast hann ikki hevði útbúgving í gudfrøði frá lærdum háskúla, ei heldur ella aðra útbúgving, megnaði Moody at bergtaka áhoyrarar sínar, bæði vaksin og børn, við greiða og litríka bíbilska boðskapi sínum.
 
Moody gjørdist ein ímynd av einum prædikumanni og fyrimynd fyri prædikumenn eftir hann, í lívi og atferð.
 
Umframt bók við talum eftir Moody, er ein av kendu bókum hansara „Himmalin“ komin út á føroyskum, sum Victor Danielsen týddi.
 
Tað er W. R. Moody, sonur Moody, sum hevur skrivað hesa bókina um pápa sín. Svenning av Lofti hevur týtt bókina til føroyskt. Lívssøgan um Moody er ein íblástrarkelda fyri øll, serstakliga tey, ið vilja útinna verk á sama øki sum Moody:  At bera øðrum gleðiboðskapin um Jesus, heimsins frelsara.

Bókin er 144 blaðsíður og kostar kr. 150,-. Hon fæst í bókabúðum kring landið umframt á heimasíðuni hjá forlagnum www.leirkerid.fo.


02/12/2022

Nú er onnur bókin í bókarøð­ini komin

Í 2019 gav Leirkerið út bókina ‘Viðmerkingar til hvønn kapittul í Nýggja Testamenti’. Nú er ‘Viðmerkingar til hvønn kapittul í Ga…

04/10/2022

Útgávutiltak: Eitt blað úr livsins bók

Mikudagin 5. okt kl. 16 hevur forlagið Leirkerið útgávutiltak í samband við yrkingasavnið hjá Jóhan Eli Polsen í nýggju ungdómshøl…

26/03/2022

Nýggjar barnabøkur

Arni Zachariassen skrivar: Eg haldi, tað er týdningarmikið at týða. Tí havi eg týtt hesar báðar, sum koma út í dag „Undrið klok…

VÍS FLEIRI TÍÐINDI