Amy le Feuvre hevur her skrivað børnum – og hinum vaksnu við, fyri alt tað – eina serliga góða og rørandi kristiliga søgu.

Sir Edward Wentworth, ein hálvgamal, ógiftur maður, ið mest sum ræðist at hava nakað við børn at gera, fær óvæntað og móti vilja sínum lítlu systurdóttir sína Milly til sín at vera. Hann hevur á ungum árum elska Gud sín og orð hansara, tikið lut í kristiligum arbeiði og við lærda háskúlan í Oxford liðið háð fyri støðu sína sum kristin maður. Men seinni er hann kólnaður í andaliga lívi sínum og vorðin sigraður av heiminum og tí anda, sum í honum ræður. Milly, henda einfalda lítla gentan, sum livir við Gudi og orði hansara, virkar nú við lívi og talu síni so á hann, at hann finnur veg aftur inn í samfelag við Frelsara sín.