„Pílagrímsferðin“ eftir Johan Bunyan (1628-1688) er ein hin best kenda skaldsøga í kristna bókaheiminum - eisini her heima á landi - og verður mett sum ein klassikari. Umframt Bíbliuna er hon týdd til fleiri tungumál enn nøkur onnur bók í heiminum.
 
John Bunyan skrivaði tilsamans um leið 60 bøkur, harav Victor Danielsen hevur týtt tríggjar til føroyskt: „Pílagrímsferðina“, „Hin heilaga bardagan“, og „Ómetalig náði“.
 
Jens Bech hevur nú eftir amerikanskari útgávu týtt og tillagað „Pílagrímsferðin sum teknisøgu“ við týðing Victor Danielsens sum fyrimynd.
 
Týðarin sigur: „Ætlan við hesum er at geva yngra ættarliðinum atgongd til henda skaldsliga dýrgrip á ein lætt atkomuligan hátt… og kann vera ein brellbiti til at fara undir at lesa sjálva „Pílagrímsferðina“, ið er ein altíð viðkomandi lýsing av ferðini hjá børnum Guds til Himmalstaðin.“