Trolli Neutzsky Wulff, fødd Jørgensen, er ættað úr Danmark og borin í heim í 1908. Nógvar bøkur eru komnar frá hennara hond, og hon hevur havt serstøk evni at skriva bøkur til børn og ung og hevur dugað serstakliga væl at lýst stríð og vandamál teirra og ein veg út úr teimum.

„Tað besta, ið finst“, er ein hugtakandi barnabók. Hon er um tvær systrar og mammu teirra, ið var einkja. Vit lesa um gerandisdag teirra bæði heima og í skúla, frá gleði og sorg, freistingum og sigrum. Samstundis sum hon viðger álvarsom evni, er hon ein spennandi barnabók, sum fangar lesaran.

„Tað besta, ið finst“ er ikki bert skrivað til undirhalds, men eisini til at vísa børnum og ungum vegin til eitt sigrandi lív og tað dýrabara virði í at hava eina góða samvitsku.