Hetta er fyrsta bind í eini bókarøð eftir Svenning av Lofti, ið nemur við andaliga lívið umborð á fiskiførum okkara aftur í tríatiárini og fram til okkara dagar.

Mortan Johannesen, skipari, skrivar um hesa bók:

„Við stórum áhuga havi eg lisið hesa bókina um menn, sum eldhugaðir hava roynt at bera skipsfeløgum sínum Guds orð. Tey nærum fimmti árini, eg var til skips, sigldi eg saman við fleiri teirra, ið nevndir verða. Tað er við takksemi og virðing, eg minnist teir, sum so heithjartaðir og trúfastir hildu møti umborð. Tað gleðir meg, at Svenning er farin undir at skriva hesa bókarøðina, so at hesin partur av siglingarsøgu okkara eisini er festur á blað. Hetta kom at hava alstóran týdning fyri nógvar menn og teirra kæru, eisini fyri meg, sum so ungur og viðkvæmur kom at verða andaliga signaður av livandi gudstrúgv teirra.“