Hendingarnar í hesi bók fara fram úti á bygd í Onglandi, helst fyri umleið 150 árum síðani. Fólkið var fátækt, mong av teimum arbeiddu í skógunum ella í bønum hjá teimum ríku góðseigarunum, meðan onnur livdu av handverki ella øðrum. Uttan um neyðarsligu hús síni høvdu tey vanliga eitt lítið jarðarstykki, har tey kundu hava geit ella kúgv, so at tey høvdu mjólk til børn síni, og eitt sindur av grønmeti.

Bíbliuna høvdu tey, og vit lesa her um, hvussu Guds Andi ger sítt verk í hjartanum hjá børnum og øðrum, sum verða gripin av orðinum. Tey ynskja at tæna Gudi vð at gleða onnur, ið treingja til eina hjálpandi hond.