Hetta er annað bind í eini bókarøð eftir Svenning av Lofti, ið nemur við andaliga lívið umborð á fiskiførum okkara aftur í tríatiárini og fram til okkara dagar.

Árni Joensen, skipari, Oyndarfirði, skrivar um hesa bók:

„Tað er at fegnast um, at Svenning hevur átikið sær at geva út bók hesar vitnisburðir, ið hava so stóran andaligan týdning.

Her eru menn, ið siga frá, hvussu teir vórðu umvendir umborð á skipi. Sagt verður frá tíðini, áðrenn teir funnu frið við Gud, frá umstøðum, tá ið teir vóru frelstir, og hvussu teir við Andans leiðslu komu til frelsandi trúgv á Harran Jesus Kristus. Her verður eisini sagt frá, hvussu Harrin hevur myndað og broytt lív teirra síðani tá, eins og tí avgerandi týdningi, Hann hevur haft í lívi teirra, heilt frá hesi stund.