Josh McDowell hugsaði, at tey trúgvandi vóru ikki rættsiktað. Hann lítilsvirdi tey, kjakaðist við tey og gjørdi gjøldur við kristnu trúgv teirra. 

Men at enda sá hann, at grundgevingar hansara vóru haldleysar. Jesus Kristus var av sonnum Gud, komin í holdi. Josh gjørdist talari á skúlum og fróðskaparsetrum, bjóðaði teimum, ið vóru eins ivingarsom, ið hann hevði verið, at skifta orð um hesi viðurskifti.

Í Meira enn træsmiður leggur Josh høvuðsdentin á persónin, ið broytti lív hansara, Jesus Kristus. Teimum, ið eru ivingarsomum guddómleika og uppreisn Hansara og tey krøv, ið Hann setur fram, er bókin ein harður kostur.